«Mereıli otbasy» ulttyq konkýrsy bastaldy
Baıqaý adamgershilik qasıetterdi jandandyrýǵa, otbasy mártebesi men qundylyqtaryn arttyrýǵa baǵyttalǵan. Eńbek pen sportta, shyǵarmashylyq jáne zııatkerlik salalarda, ǵylym men ónerde jetistikteri bar otbasylar, sondaı-aq qoǵamdyq paıdaly qyzmetke belsendi aralasatyn otbasylar qatysa alady.
Konkýrsqa qatysýǵa ótinimder 15 mamyrdan 15 maýsymǵa deıin óńirlik komıssııalarda qabyldanady.
Baıqaý eki kezeńde ótedi: 1. Aýdandyq (qalalyq) kezeń (15 maýsymnan 1 shildege deıin). 2. Oblystyq (respýblıkalyq mańyzy bar qalalar men astana) kezeń (3 shildeden 17 shildege deıin).
«Mereıli otbasy» ulttyq konkýrsynyń laýreaty ataǵy Qazaqstannyń barlyq óńirinen tanylǵan 20 úzdik otbasyǵa beriledi. Konkýrs laýreattaryn saltanatty marapattaý rásimi Astana qalasynda ótedi. Osy jyldar ishinde konkýrsqa Qazaqstannyń barlyq óńirinen 20 myńnan astam otbasy qatysty.
Bıyl qatysýǵa nıet bildirgender óz ótinimin óńirlik komıssııalarǵa jibere alady.
Aıta keteıik, jyl saıyn 15 mamyrda Halyqaralyq Otbasy kúni atap ótiledi. Bul kún 1993 jyly BUU Bas Assambleıasy otbasynyń mańyzdy róli týraly habardar etý jáne onyń qoǵamǵa qosqan úlesin baǵalaýǵa múmkindik berý úshin belgilegen.
Halyqaralyq Otbasy kúni qarsańynda Qazaqstan Respýblıkasy Mádenıet jáne aqparat mınıstrligi jyl saıyn ótetin «Mereıli otbasy» ulttyq konkýrsyna ótinimder qabyldaýdy bastady. Bul konkýrs adamgershilik qasıetterdi jandandyrýǵa, otbasy mártebesi men qundylyqtaryn arttyrýǵa baǵyttalǵan.