Merekelik tartý: Zerendide 15 dáriger otbasy jańa páterdiń kiltin aldy

<p>Respýblıka kúnine oraı Aqmola oblysynyń Zerendi aýdanynda medıtsına salasynyń qyzmetkerlerine jańa páterdiń kilti tabys etildi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Tórt qabatty kóppáterli turǵyn úı oblystyq bıýdjet qarajaty esebinen salynǵan.

Foto: Zerendi aýdany ákimdigi

Saltanatty sharaǵa aýdan ákimi Ásen Jaqsylyqov qatysyp, páter ıelerin qýanyshymen quttyqtady.

Foto: Zerendi aýdany ákimdigi

Baspanaly bolǵandardyń biri — ońaltý bólimshesiniń sanıtary, kópbalaly ana Elena Seıilova, ol úsh bólmeli páterdiń kiltin aldy.

Foto: Zerendi aýdany ákimdigi

Sondaı-aq, aýdan ákimniń grantymen bilim alyp kelgen jas maman, jalpy tájirıbe dárigeri Zýlfııa Sholtysheva da baspanaly bolyp otyr.

— Jalpy tájirıbe dárigerimin. Medıtsınalyq bilim alý barysynda Zerendi aýdany ákiminiń grantyna ıe bolyp, qalaǵan mamandyǵym boıynsha bilim aldym. Aýdan ákiminiń granty da biz sekildi jastarǵa berilgen múmkindik dep bilemin. Alǵan mamandyǵym boıynsha qyzmet etý úshin týǵan jerime oraldym. Tájirıbem men bilimim elimniń kádesine jarap jatsa — men úshin úlken mártebe. Atqaryp jatqan qyzmetimniń arqasynda búgin medıtsına qyzmetkerlerine arnalǵan páterge ıe bolyp otyrmyn. Bul úkimet tarapynan berilgen zor múmkindik dep bilemin. Sol úshin de barshańyzǵa alǵysymdy aıtamyn. Respýblıka kúni qutty bolsyn, — dep qýanyshyn bólisti jas maman.

Foto: Zerendi aýdany ákimdigi

Aıta ketsek, budan buryn Aqmola oblysynda Respýblıka kúnine oraı alyp tý jaıylǵanyn jazǵan edik. 

Foto: Zerendi aýdany ákimdigi