Merekelik demalysta QTJ poıyzdary 860 myńnan astam jolaýshyny tasymaldaǵan

<p>ASTANA. KAZINFORM &ndash; Naýryz aıyndaǵy merekelik demalysta &laquo;Jolaýshylar tasymaly&raquo; AQ poıyzdary arqyly 860 myńnan astam jolaýshy qatynaǵan. Bul týraly &laquo;Jolaýshylar tasymaly&raquo; AQ baspasóz qyzmeti málim etti.&nbsp;&nbsp;</p>

Tasymal kompanııasynyń málimetinshe, mereke kúnderi jolaýshylar arasynda Astana-Almaty, Astana-Shymkent, Shymkent — Aqtóbe jáne Pavlodar — Astana baǵytyndaǵy poıyzdarǵa suranys joǵary bolǵan. 7, 9, 21 jáne 23 naýryz kúnderi aralyǵynda jolaýshylardyń qarasy kóp bolǵan. 

Foto: «Jolaýshylar tasymaly» AQ baspasóz qyzmeti

«Mereke kúnderi tasymalǵa suranystyń joǵarlaýyna baılanysty «Jolaýshylar tasymaly» AQ qosymsha 3 poıyz jáne vagondar tirkeý esebinen jolaýshylarǵa 30 myńnan astam qosymsha oryn usyndy. Sonymen qatar, qala mańyndaǵy baǵyttarǵa elektrpoıyzdardyń 4 reısi qosylyp, poıyzdardyń quramy ulǵaıtyldy» — delingen habarlamada. 

Foto: «Jolaýshylar tasymaly» AQ baspasóz qyzmeti

Aıta keteıik, jyl saıyn ulttyq tasymaldaýshynyń poıyzdaryn 13 mıllıonnan astam jolaýshy paıdalanady.