Merekelik tartý: Arshaly kentinde jańa meshit ashyldy
16:21, 01 Qyrkúıek 2017
KÓKShETAÝ. QazAqparat - Aqmola oblysynyń Arshaly kentinde jańa meshit ashyldy, dep habarlaıdy QazAqparat tilshisi.
Iisi musylmandar úshin qasıetti meıram Qurban aıttyń alǵashqy kúni syı retinde paıdalanýǵa berilip otyrǵan "Nuraly bı" meshiti 250 adamǵa arnalǵan. Saltanatty sharaǵa aýdan əkimi Azamat Taıjanov, Nuraly bıdiń urpaqtary men aýdan turǵyndary qatysty. Shara barysynda ulttyq sport oıyndary men túrli mədenı sharalar uıymdastyryldy.
Osy kúni jańa meshitte aıt namazy oqylǵannan keıin merekelik as berildi.
Meshit qurylysyna joba boıynsha 50 mıllıon teńgeden astam qarjy jumsalǵan jáne aýdan turǵyndary men demeýshilerdiń qarajatyna salynǵan. Qurylys jumystary ótken jyldyń tamyz aıynda bastalyp, týra 1 jyldyń ishinde aıaqtalyp otyr.
Aldaǵy ýaqytta meshit qasynan 200 oryndyq medrese ashý josparda bar.