Merekege oraı pavlodarlyq kópbalaly analarǵa 18,4 myń teńge beriledi

<p>PAVLODAR. KAZINFORM - Halyqaralyq áıelder kúni qarsańynda mundaı materıaldyq kómekke 700-den asa ana ıe bolmaq. Birjolǵy tólem ataýly áleýmettik kómek alatyndarǵa tıesili.</p>

Bul týraly óńirlik jumyspen qamtýdy úılestirý jáne áleýmettik baǵdarlamalar basqarmasynan habarlady.

«Mereke qarsańynda ataýly áleýmettik kómek alatyn kópbalaly analarǵa 18 460 teńgeden berilýde. Búginde Pavlodar qalasy boıynsha mundaı birjolǵy tólemge 277 ana ıe boldy. Al oblys boıynsha 700-den asa adamǵa taǵaıyndalady», delingen aqparatta.

Atalǵan tólem analardyń esep-shotyna avtomatty túrde aýdarylatyn bolady.