Merekede elordalyq polıtseıler kúsheıtilgen tártipte jumys isteıdi
Astana qalalyq ІІD-niń baspasóz qyzmetinen habarlaǵandaı, bul kúnderi qoǵamdyq tártipti saqtaýǵa 2 myńnan astam polıtsııa qyzmetkeri, eki áskerı bólimnen 400-den astam áskerı qyzmetker, 120-dan astam qyzmettik avtokólik tartylǵan.
Qoǵamdyq qaýipsizdikti saqtaýǵa polıtsııa qyzmetkerlerimen birge jeke agenttikterdiń jumyldyrý toptary men polıtsııanyń qoǵamdyq kómekshileri belsene atsalysýda.
Sondaı-aq, jaıaý jasaqtar men avtokúzetter nyǵaıtylyp, polıtsııa qosyndary qosymsha kúsheıtildi. Merekelik is-sharalar ótetin oryndarǵa kúzet jasaqtary barynsha shoǵyrlandyryldy. Kóshi-qon polıtsııasynyń qyzmetkerleri ortalyq bazar men qurylys nysandaryndaǵy is-sharalardy tolyq tekserýden ótkizdi. ІІB-da esepte turǵan, buryn sottalǵan adamdardy tekserý baǵytynda shuǵyl-aldyn alý is-sharalary júrgizildi.