Mereke Pishembaev QR Tótenshe jaǵdaılar vıtse-mınıstri qyzmetinen bosatyldy

<p>ASTANA. KAZINFORM - QR Úkimetiniń qaýlysymen Mereke Qudaıbergenuly Pishembaev bergen ótinishine sáıkes QR tótenshe jaǵdaılar vıtse-mınıstri qyzmetinen bosatyldy. Bul týraly QR Premer-Mınıstriniń <a href="https://primeminister.kz/hrpolitic/liberations/mereke-pishembaev-kr-totenshe-zhagdaylar-vice-ministri-kyzmetinen-bosatyldy-2013527" target="_blank" rel="noopener">baspasóz</a> qyzmeti habarlaıdy.</p>

Mereke Pishembaev 1962 jyly Pavlodar oblysynda dúnıege kelgen. Óskemen jol-qurylys ınstıtýtyn, Qazaq memlekettik basqarý akademııasy janyndaǵy Naryq ınstıtýtyn, RF Prezıdenti janyndaǵy Reseı memlekettik qyzmet akademııasyn bitirgen.

Eńbek jolyn 1985 jyly Pavlodar oblystyq avtomobıl joldary basqarmasynyń Maı aýdandyq avtomobıl jolynda aǵa jol sheberi, bas ınjener bolyp bastaǵan.

1986-1996 jyldary aralyǵynda kvazımemlekettik sektorda túrli laýazymdardy atqarǵan.

1997-2000 jyldary aralyǵynda QR Kólik jáne kommýnıkatsııalar mınıstrliginde basshylyq laýazymdarynda eńbek etken.

2000-2002 jyldary — Soltústik Qazaqstan memlekettik avtomobıl joldary mekemesinde dırektor, basqarma basshysy.

2002-2013 jyldary — QR Kólik jáne kommýnıkatsııalar mınıstrliginiń Avtomobıl joldary jáne ınfraqurylymdyq keshen qurylysy komıtetiniń «Qazaqavtojol» respýblıkalyq memlekettik kásipornynyń bas dırektory.

2013-2014 jyldary — QR kólik jáne kommýnıkatsııalar vıtse-mınıstri.

2014-2019 jyldary — QR Investıtsııalar jáne damý mınıstrliginiń Avtomobıl joldary komıtetiniń tóraǵasy.

2019-2020 jyldary — QR Indýstrııa jáne ınfraqurylymdyq damý mınıstrliginiń jaýapty hatshysy.

2020 jyldan bastap qazirgi ýaqytqa deıin QR tótenshe jaǵdaılar vıtse-mınıstri qyzmetin atqardy.