Mereke kúni astanada 10 kafe-bar karantın rejımin buzǵan

NUR-SULTAN. QazAqparat - Ótken táýlikte, ıaǵnı 6 shilde kúni elordanyń monıtorıng toptary 10 mekemede karantın talaptary buzylǵanyn anyqtady, dep habarlaıdy QazAqparat Nur-Sultan ákimdiginiń resmı saıtyna silteme jasap.

Almaty aýdanynyń monıtorıng toptary «Aisa» barynda, «Oasis» kafesinde jáne «V9» kompıýter klýbynda jumys rejımi buzylǵanyn anyqtady.

Sondaı-aq, Saryarqa aýdanynda ornalasqan «Sreda» kafesi saǵat 22:00-den keıin de jumysyn toqtatpaǵan.

Mekeme qyzmetkerleri betperde, áleýmettik qashyqtyq rejımin saqtamaǵany belgili boldy.

Sol sııaqty Baıqońyr aýdanyndaǵy «Mıata» laýndj-bary da belgilengen rejımdi saqtaǵan joq.

Esil aýdanynda jumys rejımin buzǵan taǵy 5 qoǵamdyq tamaqtaný orny ákimshilik jaýapkershilikke tartyldy.

Onyń arasynda «Kakıe lıýdı» resto-bary, «Most», «Mıata» meıramhanalary, «Legends pub» bary, «Woklagman» fastfýd orny bar.

Karantın talabyn buzǵandarǵa qatysty materıaldar tıisti shara qabyldaý úshin aýdandyq sanıtarlyq-epıdemıologııalyq baqylaý basqarmalaryna jiberildi.