Mereke kúnderi ózińizdi artyq shyǵynnan qalaı qorǵaýǵa bolady

NUR-SULTAN. QazAqparat - Aldaǵy demalys kúnderi dástúr boıynsha kóp adam jaqyndaryna syılyq satyp alady. Shekteý sharalaryna baılanysty syılyqtardyń kóp bóligi elektrondyq kommertsııa qyzmetteri arqyly alynady. Bul óz kezeginde alaıaqtardy iske belsene kirisýge ıtermeleıdi, dep habarlaıdy QR Qarjy mınıstrliginiń baspasóz qyzmeti.

QR QM Qarjy monıtorıngi komıteti túrli messendjerler arqyly keletin usynystar negizinde taýarlar men qyzmetterge qarajat aýdarmaýǵa keńes beredi. Ádette, jalǵan qyzmet usynýshylar jeke de, memlekettik te uıymdardyń atyn jamylyp arnaıy jasalǵan jalǵan veb-saıttaryna siltemeler jiberedi. Bundaı jaǵdaıda basqa senimdi ınternet kózderi arqyly resmı saıttarda kórsetilgen telefondarǵa qońyraý shalyp, ónim nemese qyzmet týraly barlyq aqparatty tekserý qajet.

Sondaı-aq, QMK taǵy da azamattardan zańsyz aqsha alýdyń eń tanymal jáne keń taraǵan tásili bolyp tabylatyn qarjylyq pıramıdalarǵa qarjy salmaýǵa shaqyrady. Pıramıda shemasynyń eń basty ereksheligi - joǵary kirister týraly ýádeler. Mundaı uıymdar áleýmettik jelilerde belsendi jarnama jasaıdy jáne materıaldyq-quqyqtyq bazadan basqa QR Ulttyq Bankiniń lıtsenzııasy joq.

Sonymen qatar, QR QM Memlekettik kirister komıteti syılyqtar satyp alǵanda túbirtekti mindetti túrde alý kerektigin eske salady, sol arqyly siz satyp alǵan syılyqty jaqyndaryńyz unatpaǵan jaǵdaıda taýarlardy qaıtaryp berýge quqyǵyńyz bar. Chek alý arqyly siz quqytaryńyzdy qorǵap, zańnyń buzylýyna nóldik tózimdilik tanytasyz.

MKK ár azamattyń Jańa jyldy qaryzsyz qarsy alýǵa múmkindigi bar ekenin de eske salady. Salyqtyń negizgi somasyn 2020 jyldyń 31 jeltoqsanyna deıin tóleý arqyly azamattar ósimpuldan qutyla alady. Alaıda salyq amnıstııasy tek osy jyldyń sońyna deıin júzege asyrylady.

Ósimpuldy esepten shyǵarý úshin eshqaıda barýdyń qajeti joq. Qaryzdyń negizgi somasyn tóleý jetkilikti. Ósimpul avtomatty túrde esepten shyǵarylady. Salyqtar boıynsha bereshektiń bar/joq ekendigi týraly málimetterdi QR QM Memlekettik kirister komıtetiniń saıtynda, sondaı-aq eSalyq mobile (AppStore, PlayMarket) mobıldi qosymshasy arqyly tekserýge bolady.