Mereke kúnderi elimizdiń kólik saqshylary kúsheıtilgen tártipte jumys jasaıdy

ASTANA. QazAqparat - QR ІІM Kóliktegi ishki ister departamentiniń jeke quramy Naýryz meıramyn merekeleý kezeńinde qoǵamdyq tártipti, qylmystar men ózge de quqyqqa qaıshy is-áreketterdi ýaqtyly eskertýdi jáne jolyn kesýdi qamtamasyz etý maqsatynda 2014 jyldyń 21-25 naýryzy kúnderi aralyǵynda qyzmet kórsetýdiń kúsheıtilgen nysanyna kóshiriledi.

Bul týraly Kóliktegi ІІD baspasóz qyzmeti habarlady.

Kóliktegi ІІD elimizdiń temirjol jáne áýe kóligi nysandarynda, vokzaldarda qaýipsizdikti saqtaý, jolaýshylardyń quqyqtary men múddeleriniń qorǵalýyn qamtamasyz etý mindetterin júzege asyrady.

«Mereke kúnderi departamenttiń qyzmet kórsetý aýmaǵynda zańdylyq pen quqyq tártibin saqtaý, sonymen qatar, túrli qylmystardyń aldyn alý sharalary aıyryqsha mindet pen jaýapkershilikti talap etedi. Osyǵan sáıkes, qoǵamdyq jáne mádenı-buqaralyq is-sharalar ótkizý oryndarynda quqyqbuzýshylyqtardyń aldyn alý jáne jolyn kesý boıynsha qosymsha sharalar qabyldanbaq», - deıdi Departament bastyǵynyń birinshi orynbasary polıtsııa polkovnıgi Sapar Sherıazdanov.

Mereke kúnderi Kóliktegi ІІD-niń basqarmalary men bólimderinen jasaqtalǵan jedel toptar qurylmaq. Buǵan qosa, 200-ge jýyq polıtsııa qyzmetkerleri qoǵamdyq tártipti saqtaı otyryp, jolaýshylardyń qaýipsizdigi men olardyń júkterin kúzetýdi qamtamasyz etetin bolady.