Mereke kezinde HQKO-lar qalaı jumys isteıtini belgili boldy

<p>ASTANA. KAZINFORM &ndash; &laquo;Azamattarǵa arnalǵan úkimet&raquo; Memlekettik korporatsııasy 1 jáne 3 qańtar aralyǵynda Jańa jyl merekesine oraı HQKO men MHQKO jumys istemeıtinin habarlaıdy.</p>

Al 4 qańtar, ıaǵnı senbi, kezekshi ortalyqtar úshin jumys kúni. Azamattardy qabyldaý 9.00-den 13.00-ge deıin júzege asady.

5 jáne 6 qańtar kúni elimizdiń barlyq ortalyqtary ádettegi keste boıynsha óz jumysyn jalǵastyrady. Elimizde 7 qańtar kúni pravoslavıelik Rojdestvo toılanatyndyqtan, bul kún HQKO men MHQKO úshin demalys bolyp tabylady.

Eske sala keteıik, halyqqa qyzmet kórsetý ortalyqtary jumys kúnderi saǵat 9.00-den 18.00-ge deıin azamattardy qabyldaıdy. Kezekshi halyqqa qyzmet kórsetý ortalyqtary dúısenbiden jumaǵa deıin 9.00-den 20:00-ge deıin, senbi kúnderi 9.00-den 13.00-ge deıin jumys isteıdi.

Bul rette kezekshi halyqqa qyzmet kórsetý ortalyqtardyń mekenjaılaryn Memlekettik korporatsııanyń Instagram jelisindegi resmı paraqshasy jáne 1414 biryńǵaı baılanys ortalyǵy arqyly bilýge bolady.

Buǵan deıin habarlaǵanymyzdaı, Almatynyń bas botanıkalyq baǵy Jańa jyldyq merekege baılanysty jabylady.