Mereke kezinde 2,5 myńnan astam qylqan japyraqty aǵash tárkilendi
15-31 jeltoqsan aralyǵynda elimizde «Shyrsha» jedel aldyn alý sharasy ótti. Onyń maqsaty – jańa jyl qarsańynda qylqan japyraqty aǵashtardy zańsyz kesý, daıyndaý jáne ótkizý oryndaryn anyqtaý jáne jolyn kesý.
ІІM-niń málimetinshe, bazarlarda jáne basqa jerlerde 588 mobıldi top quryldy, onyń ishinde tabıǵatty qorǵaý organdarymen birlesken 321 top bar. Sondaı-aq 1837 reıd júrgizildi.
«Shara bastalǵannan beri barlyǵy 506 adam ákimshilik jaýapkershilikke jáne 18 adam qylmystyq jaýapkershilikke tartyldy. Quqyq buzýshylardan 2,5 myńnan astam qylqan japyraqty aǵash tárkilendi. Jarty mln teńgege ákimshilik aıyppul salyndy, onyń ishinde 400 myń teńgesi óndirildi», - dep jazdy aqparat kózi.
Polıtseıler atap ótkendeı, quqyq buzýshylar kóbinese shyrshalar men qaraǵaılardy zańsyz keskeni úshin, sondaı-aq olardy belgilenbegen jerlerde ósirgeni jáne jasyl jelekterdi kútip-ustaý jáne qorǵaý erejelerin buzǵany úshin jaýapqa tartyldy.
Foto: polisia.kz