Merdigerdiń jaýapsyzdyǵynan Almatyda bir shaǵyn aýdannyń ınjenerlik jelileri qaıta tartylady

ALMATY. QazAqparat – Alataý aýdanyna qarasty 14-aýmaq shaǵyn aýdanyndaǵy ınjenerlik jelilerdi qaıta tartý qajet. Bul týraly Almaty qalasynyń ákimi Erbolat Dosaev aýdan turǵyndarymen kezdesýinde aıtty, dep habarlaıdy QazAqparat tilshisi.

«Aýdandy alǵash aralaǵan kezimde osy shaǵyn aýdannyń turǵyndary 2017 jyldyń shildesinde bastalǵan ınjenerlik jelilerdiń qurylysyn aıaqtaýdy jáne kóshelerdiń asfalt joldaryn qalpyna keltirýdi suraǵan bolatyn. Sot merdiger uıym «Keregetas Company LTD» JShS-ni josyqsyz dep tanydy. 2022 jyldyń sáýir aıynda sottyń jumystardy aıaqtaý týraly talaptaryn oryndamaǵany úshin kompanııa qurylys lıtsenzııasynan aıyryldy. Osyǵan baılanysty, 14-aýmaq shaǵyn aýdanyndaǵy ınjenerlik jelilerdiń qurylysyn tolyq aıaqtaý úshin jobany qaıta qarap shyqtyq jáne barlyq qazirgi jelilerdi qaıta salýǵa májbúrmiz. Tehnıkalyq aýdıt 2023 jyldyń aqpan aıynyń sońyna deıin aıaqtalady», - dedi. Erbolat Dosaev.

Qazir jańa merdiger retinde «Almaty Production Construction Invest» JShS uıymy tańdalǵan.

«Jumysty aıaqtaý merzimi – 2023 jyldyń jeltoqsanyna deıin. Ótken jyldyń qazan aıynda barlyq 14 kóshede meniń tapsyrmam boıynsha joldar qaıta jabylyp, tegisteldi. Bul jumys turaqty túrde jáne odan ári ınjenerlik jeliler qurylysy aıaqtalǵanǵa deıin júrgiziledi», - dedi Almaty ákimi Erbolat Dosaev.