Menshik quqyǵyn buzǵandarǵa jaýapkershilik qatańdatylady - Májilis

ASTANA. QazAqparat -Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine menshik quqyǵyn qorǵaýdy kúsheıtý, sharttyq mindettemelerdi qorǵaýdy kepildendirý jáne olardy buzǵany úshin jaýapkershilikti qatańdatý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Atalǵan qujat boıynsha memlekettik organdardyń nemese laýazymdy adamdardyń zańsyz aktiler shyǵarýy nátıjesinde menshik ıeleriniń quqyqtaryn buzǵany úshin jaýapkershilikti naqtylaý usynylady. Bul rette menshik ıelerine keltirilgen shyǵyndar memlekettik organnyń nemese laýazymdy adamnyń kináli, kinásizdigine qaramastan óteletin bolady ári bul sot sheshimi arqyly júzege asady. Budan bólek, zań jobasynda kepilzatpen qamtamasyz etilgen mindettemelerdi merziminen buryn oryndaý jáne kepilge salynǵan múlikke óndirip alýdy qoldaný týraly normalardy ekiudaı túsinýdi bolǵyzbaý qarastyrylady.

Sonymen birge, zań jobasymen naqty jyljymaıtyn múlik nysany boıynsha aqparatty quqyq ıelenýshiniń kelisimimen ózge de tulǵalardyń suraý salýyna oraı berýge bolatyn tulǵalardyń túbegeıli toby aıqyndalady. «Jalpy alǵanda zań jobasynda usynylyp otyrǵan erejeler menshik ıesiniń quqyǵyn jáne sharttyq mindettemelerdi qorǵaý ınstıtýtyn odan ári nyǵaıtýǵa yqpal etetin bolady», - dedi Ádilet mınıstri Berik Imashev.