Meniń úıimde de ystyq sý joq – Pavlodar qalasynyń ákimi

<p>ASTANA. KAZINFORM &ndash; Jaz bastalsa, Pavlodar qalasynyń kópqabatty turǵyn úıleri ystyq sýdan ajyratylatyny dástúrge aınalǵany qashan. Onyń sebebi de joq emes. Qubyrlar gıdravlıkalyq synaqtan ótkizilip, jergilikti ákimdik apattyń aldyn alýǵa kúsh salyp jatyr.&nbsp;&nbsp;</p>

Dese de, muny túsinbeıtin pavlodarlyqtar azaımaı tur. Shahar basshysy Hasar Habylbekov turǵyndardy sabyrǵa shaqyryp, ózi de ystyq sýsyz otyrǵanyn alǵa tartty.

«Men ystyq sýsyz qalǵan qala turǵyndarynyń narazylyǵyn jaqsy túsinemin. Qazir men turatyn úıde de ystyq sý joq. Bul – aldaǵy jylytý maýsymynda tótenshe jaǵdaılardy azaıtý maqsatynda jasalǵan qadam», - dedi qala ákimi.

Belgili bolǵandaı, 29 shildede Pavlodar qalasynyń ońtústik bóliginde jylý jelileriniń gıdravlıkalyq synaqtary bastalǵan. 5 tamyzda soltústik jeli aımaǵynda da osyndaı synaqtar bastalady dep josparlanyp otyr. Tıisti jumystar 10 tamyzda aıaqtalýy tıis. Sáıkesinshe, pavlodarlyqtar sol ýaqytqa deıin tefalmen sý qaınatýǵa májbúr.