«Meniń atym – Qoja» kitaby frantsýz tiline aýdarylyp, Parıjde tanystyryldy – Sultanǵazıev
- Qazaq ádebıetiniń klassıgi Berdibek Soqpaqbaevtyń 100 jyldyǵyn ıÝNESKO deńgeıinde atap ótý aıasynda birqatar is-shara uıymdastyryldy. Týǵan jeri Narynqolda jazýshyǵa eskertkish ornatylyp, ortalyq saıabaqqa esimi berildi. Sondaı-aq shyǵarmalary shet tilderine aýdaryldy. «Meniń atym Qoja» kitaby frantsýz tiline aýdarylyp, Parıjde tusaýkeseri ótti, - dedi óńirdiń áleýmettik-ekonomıkalyq damýy týraly esep bergen Marat Sultanǵazıev.
Odan bólek, oblys ákimi kórý qabileti buzylǵan balalarǵa arnalǵan Braıl shrıftimen basylǵan elimizdegi alǵashqy qazaq tilindegi «Aınalaıyn» kitaby jaryq kórgenin aıtty.
- Kitap shyǵarýǵa aqyn Maqpal Mysa bastamashy boldy. Bul jınaq balalardyń damýyna teń múmkindikter berip, tolyqqandy ómir súrýlerine yqpal etedi. Sonymen qatar mádenıet salasy boıynsha Raıymbek jáne Kegen aýdandarynda mádenıet úıleri salyndy jáne 6 mádenıet úıi kúrdeli jóndeýden ótip jatyr. Kegen aýdanyndaǵy eki mádenıet úıdi jóndeý jumysy bıyl aıaqtalady, - deıdi M. Sultanǵazıev.
Aıta keteıik, bıyl Almaty oblysy 63 elge jergilikti ónimdi eksporttady.
Sondaı-aq brıfıng barysynda Qapshaǵaıda tórt jáne bes juldyzdy birneshe qonaqúı salynatyny aıtyldy.