Menıngıtke qatysty eldegi ahýal qandaı

ASTANA. QazAqparat - QR Densaýlyq saqtaý mınıstrligi 2018 jylǵy 2 qarashadaǵy menıngokokk ınfektsııasy boıynsha epıdemıologııalyq jaǵdaıǵa esep berdi, dep habarlaıdy QazAqparat. 

«2018 jyldyń basynan bastap menıngokokk ınfektsııasyna qatysty 85 oqıǵa  tirkeldi. Qazirgi ýaqytta respýblıkada menıngokokk ınfektsııanyń sporadııalyq jaǵdaılar tirkelýde. Aqmola oblysynda menıngokokk ınfektsııaǵa kúmándi 1 jaǵdaı tirkelgen», - delingen QR Densaýlyq saqtaý mınıstrliginiń málimetinde.

Mınıstrliktiń habarlaýynsha, jalpy epıdemııaǵa qarsy is-sharalar jalǵasýda.

«Kataraldyq belgileri (tamaq qyzarý, dene qyzýynyń kóterilýi, bastyń aýyrýy, álsizdik) bar aýrýdyń alǵashqy belgileri paıda bolǵan kezde dárigerge júginip, onyń barlyq usynymdaryn oryndaý qajet. Gıgıenany saqtap, ǵımaratty jıi jeldetip, kún saıyn ylǵaldy tazalaý júrgizý kerek», - delingen mınıstrlik taratqan nusqaýlarda.

Sonymen qatar mamandar salqyn tııýden, ashyǵýdan, uıqynyń qanbaýynan, kúızelisten saqtanyp, qorǵaný kerektigin alǵa tartýda