«Meniń Týym!»: Almatylyqtar kók baıraqty balkondaryna ilip jatyr

ALMATY. QazAqparat – Almatylyqtar QR Táýelsizdigi kúnine oraı jappaı patrıottyq aktsııaǵa ún qosýda, dep habarlaıdy QazAqparat tilshisi.

Qalada kópqabatty úılerdiń balkon, terezelerine Memlekettik tý iline bastady.

Osylaısha, jalpyhalyqtyq aktsııaǵa ún qosyp, bir-birine degen júrekjardy tilekterin jetkizip jatyr.

Jeli qoldanýshylary #meniń týymmenińotanym heshtegimen kók baıraqty ustap sýretke túsip, ǵalamtor jelisinde taratýda. Al jas býyn ókilderi – oqýshylar Táýelsizdik merekesine jyr joldaryn arnap jatyr.

Aıta keteıik, respýblıka kólemindegi aktsııaǵa kez kelgen turǵyn qoldaý bildire alady.

Bir óńirde avtokólikterdiń sherýi, Tý ustap, atqa qonǵan jastardyń sherýi uıymdastyrylsa, ózge otandastarymyz Memlekettik rámizdi balkondaryna ilýde.