Meniń tapsyrmammen ázirlengen ınvestjobalardyń 15 paıyzy ǵana iske qosylǵan - Toqaev

ASTANA. Qazaqparat - Meniń tapsyrmammen ınvestıtsııalyq jobalardyń biryńǵaı júıesi ázirlendi. Alaıda bıyl jospardaǵy 284 ınvestıtsııalyq jobanyń 43-i ǵana júzege asyrylǵan. Bul týraly Úkimettiń keńeıtilgen otyrysynda QR Prezıdenti aıtty, dep habarlaıdy QazAqparat Aqordanyń baspasóz qyzmetiniń Telegramdaǵy BORT№1 arnasyna silteme jasap.

«Endi ınvestıtsııa saıasatyna keleıik. Meniń tapsyrmammen ınvestıtsııalyq jobalardyń biryńǵaı júıesi ázirlendi. Alaıda bıyl jospardaǵy 284 ınvestıtsııalyq jobanyń 43-i ǵana júzege asyrylǵan. ıAǵnı, nebári 15 paıyzy iske qosylǵan. Munyń bárine qur tsıfr retinde qaraýǵa bolmaıdy. Óıtkeni sonyń kesirinen kóptegen jumys orny ashylmaı qaldy.
El ekonomıkasy mıllıardtaǵan teńge qarjydan qaǵyldy. Syrtqy ister mınıstrligi shetelden ınvestor tartý úshin tıimdi jumys atqaryp jatqanyn atap ótken jón. Elshiler shetelderde túrli kezdesý ótkizip, elimizge ınvestorlardy jetelep ákeledi deýge bolady. Biraq jobany júzege asyratyn kezde jergilikti jerde túrli másele týyndaıdy. Bir sózben aıtsaq, biz daıyn ınvestorlardan aıyrylyp qalyp jatyrmyz.
Taǵy da qaıtalap aıtamyn, ınvestıtsııalyq jobalardy júzege asyrýǵa jaǵdaı jasaý ıaǵnı, jer bólý, ruqsatnama berý, ınfraqurylymmen qamtý – ákimderdiń mindeti. Árıne, ortalyqqa da ózgeris jasaý kerek. Osyǵan qatysty birqatar usynys bar ekenin bilemin.
Premer-Mınıstr Ekonomıkalyq saıasat jónindegi keńeste bárin qaıtadan talqylap, ózara kelisilgen sheshimdi maǵan engizýi qajet», - dedi Prezıdent.