Meniń balalarym qarapaıym mektepte oqydy – Májilis tóraǵasy
Májilistiń jalpy otyrysynan keıin tilshiler E.Qoshanovtan burynǵy depýtat jáne qazirgi Ǵylym mınıstri Saıasat Nurbektiń otbasy shetelde turyp jatqany qanshalyqty etıkaǵa saı keletinin surady.
«Meniń oıymsha, keshe Saıasat Nurbek óziniń otbasy ne sebepti shetelde ekenin túsindirgen sııaqty. Ekinshiden, ol tórt aı buryn ǵana depýtat retinde keldi. Oǵan deıin S.Nurbek depýtat bolmaǵan edi. ıAǵnı salyq tóleýshiler esebinen bıýdjetten jalaqy almady. Sondyqtan bul onyń tańdaýy boldy», - dedi Májilis tóraǵasy.
Osy oraıda ol qandaı da bir tekserý bolmaıtynyn aıtty.
«Ár depýtat sizderdiń, halyqtyń aldynda balalary qaıda oqyp jatqany, otbasy qaıda turyp jatqany jaıynda ózi jaýap berýi kerek. Men ózime qatysty jaýap bere alamyn, meniń balalarym qarapaıym mektepte bilim aldy», - dedi E.Qoshanov.
Sonymen qatar ol Májiliste etıka komıssııasy bar ekenin, depýtattarǵa qatysty másele onda qaralmaǵanyn aıtty.
Jaqynda Ǵylym jáne joǵary bilim mınıstri laýazymyna taǵaıyndalǵan Saıasat Nurbek balalaryn nege shetelde oqytqanyn túsindirdi.
«Onyń úsh sebebi bar, eń aldymen jubaıymnyń densaýlyǵynda kinárat bar, oǵan naqty medıtsınalyq usynym da bar. Ekinshiden, balalarymdy Qazaqstandaǵy jeke mektepterde oqytýǵa qarajatym jetpedi, úshinshiden, Kıprde brıtandyq formattaǵy jaqsy aǵylshyn mektebi boldy. Biraq ýaıymdamańyzdar, 26 maýsym kúni balalarym Qazaqstanǵa ushyp keledi», - dep jaýap berdi mınıstr.