«Meniń Atamekenim» qorynyń maqsaty - Arysty qalpyna keltirýge kómektesý

NUR-SULTAN. QazAqparat - «Atameken» Ulttyq kásipkerlik palatasy bıznes ókilderin Arys qalasynda tótenshe jaǵdaı saldarynan zardap shekken turǵyndarǵa qoldaý kórsetip, múmkindiginshe kómek berýge shaqyrady, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Kómek qarajatyn jınaý shotyn «Meniń Atamekenim» qoǵamdyq birlestigi ashty. Qoǵamdyq birlestiktiń maqsaty - Arys qalasynda apattan zardap shekken, kómekke muqtaj azamattar men qaıyrymdy jandardy baılanystyrý.

Qazirgi tańda arystyqtarǵa kómek retinde ashylǵan arnaıy shotqa ár oblystyń kásipkerleri qomaqty qarajattaryn aýdardy. Apat oryn alǵan 4 kún ishinde 102 mln astam qarajat «Meniń Atamekenim» shotyna tústi.

Osy oraıda, arystyqtarǵa kómek bergisi keletin metsenattarǵa tómendegi esepshotty usynamyz

«Meniń Atamekenim» qoǵamdyq birlestigi

Zańdy mekenjaıy:

010000, Nur-Sultan qalasy, Esil aýdany, Syǵanaq kóshesi №25 úı

BIN 180540015308

Arys Bıznes kásipkerlikke járdem beredi atty arnaıy joba esep-shoty IIK: KZ806018821000204051(KZT)

«Narodnyı Bank Kazahstana» AQ Bık: HSBKKZKX

Kbe 18

Qaıyrymdylyq aýdarymdary úshin - KNP 119