«Men jastarǵa senemin» onlaın formattaǵy baıqaýyna qatysýǵa 5 myń adam ótinish bergen
Elimizdegi jáne álemdegi kúrdeli jaǵdaıǵa qaramastan, biz stýdentterdiń joǵary belsendiligin ańǵarýdamyz. Baıqaýǵa qatysýǵa elimizdiń barlyq óńirleriniń jastary nıet bildirdi.
Baıqaýdyń jastar arasynda úlken tanymaldyqqa ıe bolýy kezdeısoq emes. Bul olardyń ózderi týraly málimdeýge, sondaı-aq áleýmettik-mańyzdy bastamalary jáne shyǵarmashylyq jobalarymen bólisýge biregeı múmkindik.
Osyndaı múmkindikti 5 myń adam paıdalanyp, QazUÝ saıtynda tirkelip sharaǵa qatysýǵa ótinish bergen. Olar óz qalaýy boıynsha ár túrli sanatty tańdady. Osylaısha, poetıkalyq nomınatsııaǵa 1,5 myńǵa jýyq adam qatysýǵa nıet bildirse, 436 jas oryndaýshy patrıottyq ánder konkýrsyna, 1,7 myńnan astam qatysýshy essesin jiberdi. Uıymdastyrýshy komıtetiniń atyna 1,4 myńnan astam áleýmettik mańyzy bar «Qaıyrymdy qoǵam» bastamasy men 145 stýdenttik ınnovatsııalyq joba kelip tústi.
Baıqaýdyń aýqymy keń jáne Qazaqstannyń barlyq óńirlerin qamtıdy. Almaty qalasynyń stýdentteri – 1 146 adam asa joǵary belsendilik tanytty. Bes júzden astam jumys Nur-Sultan, Shymkent jáne Atyraý qalalarynan, Batys Qazaqstan, Aqtóbe jáne Túrkistan oblystarynan kelip tústi. Shyǵys Qazaqstan, Pavlodar jáne Qaraǵandy oblystarynan 300-ge jýyq úmitker ótinim jiberdi.
Kóptegen stýdentterdiń ótinishi boıynsha ótinim men konkýrstyq jumysty qabyldaý merzimi 15 mamyrǵa deıin uzartyldy. kaznu.kz saıtynda tirkelý arqyly ótinim berý, irikteý týrynyń barysyn qadaǵalap, sondaı-aq onlaın daýys berýge qatysýǵa bolady.
Esterińizge sala keteıik, baıqaý úzdik stýdenttik ınnovatsııalyq joba men «Elimizdiń ınnovatsııalyq damýyna meniń naqty úlesim» atty startap, «Qaıyrymdy qoǵam» áleýmettik jobasy, sondaı-aq «Men óz elimniń órkendeýi úshin ne isteı alamyn?» atty úzdik esse, poetıkalyq shyǵarmalar men patrıottyq taqyryptaǵy án nomınatsııasy boıynsha ótkiziledi. Qatysýshylardyń jumysyn táýelsiz qazylar alqasy baǵalaıdy, oǵan qoǵam qaıratkerleri, ǵylym, mádenıet jáne óner, bıznes, memlekettik qurylymdar men BAQ ókilderi kiredi.
Baıqaýdyń qorytyndysy «Men jastarǵa senemin!» VIII forýmynyń aıasynda 2020 jyldyń qarasha aıynda ál-Farabı atyndaǵy QazUÝ-da ótkiziledi. Qatysýshylar taqyryptyq sektsııalardyń otyrystarynda óz jobalaryn tanystyryp qorǵaýǵa múmkindik alady. Jeńimpazdarǵa dıplomdar men baǵaly syılyqtar beriledi. Eń úzdik dep tanylǵandar bas júlde – QazUÝ-dyń bir jyldyq tegin oqý grantyna ıe bolady. Onlaın daýys berý nátıjesi boıynsha kórermen kózaıymy syılyǵy tabys etiledi.