Men jastarǵa senemin - QR Prezıdenti

ASTANA. QazAqparat - Elbasy óziniń Ulytaýdaǵy suhbatynda: «Qazaqtyń birligi - myna kópultty halyqtyń birligi. Biz birte-birte jarqyn bolashaqqa jetemiz dep sanaımyn. Meniń armanym, oıym - Qazaqstannyń máńgilik bolýy. Sondyqtan Máńgilik El degen ıdeıany usyndym. Máńgilik El bolý úshin bárin jasap jatyrmyz» dep atap ótti.

Osy Ulytaýdaǵy áńgimesinde Elbasy jastarǵa úlken senim artyp: «Qazaqstannyń eń úlken patrıoty da, eldi alǵa súıreıtin de solar bolady dep senemin. Meniń armanym, oıym osy. Laıym solaı bolsyn! Qazaqstannyń bolashaǵy óte jarqyn!» dep oı qorytty.

Iá, jarqyn bolashaqty qalyptas­tyrý jolynda úlken eńbek pen qajyr-qaırattyń kerek ekeni belgili. Búgingi Qazaqstan jastary osy óreli mindetti aıqyn sezinýi tıis. Eger jastarymyz bilimdi bolsa, óz isiniń bilikti mamany bolsa, elimizdiń keleshegi de jarqyn bolmaq. Osy oraıda ultyńnyń, hal­qyń­nyń tarıhyn, qaınar bastaýlaryn bilýdiń máni erekshe. Sebebi tarıhty bilmeı, bolashaqqa qadam basý múmkin emes. Elbasy Astana aktıvimen kez­desýinde elimiz keler jyly Qazaq handyǵynyń 550 jyldyǵyn atap óteti­nin aıtqan edi. Memleket basshysy óz sózinde: «Qazaq handyǵynyń 550 jyl­dyǵyn, Ata Zańymyzdyń 20 jyldyǵyn, Uly Jeńistiń 70 jyldyǵyn kelesi jyly atap ótetin bolamyz» degen bolatyn. Bul oraıda aıta ketetin jaıt, búgingi tańda elimizde tarıhqa úlken betburys jasalýda. KSRO kezinde burmalanyp kelgen tarıhymyzdy qaıta jańǵyrtyp, ótkenimizdi túgendep, ultymyzdyń shejireli jolyn tanyp-bilýdiń de bas­ty joly - osy. Olaı bolsa, elimizde atalyp ótetin «Qazaq handyǵynyń 550 jyldyǵy» memlekettigimizdiń irgesin nyǵaıta túsetini sózsiz. Biz jastarymyzdyń patrıottyq sezimin qalyptastyrýǵa erekshe mán berýimiz kerek. Óıtkeni munyń keleshek úshin mańyzy zor. Osy oraıda ál-Farabı atyndaǵy Qazaq ulttyq ýnıversıteti men «Jandaný» ekologııalyq jobasy QR Bilim jáne ǵylym mınıstrligi, Almaty qalasy ákimdigi, «Jas Otan» jastar qanaty, QR Jazýshylar odaǵynyń qoldaýymen Tuńǵysh Prezıdent kúnine arnalǵan «Men jastarǵa senemin!..» atty stýdent jastardyń ІІ patrıottyq festıvali ótpek. Festıvaldiń maqsaty - stýdent jastardyń Qazaqstan bolashaǵyna degen azamattyq jaýapkershiligi men patrıottyq sezimin arttyrý. Bir atap óterligi, osyndaı ıgi sharalardyń tárbıelik máni zor. Demek, mundaı festıvalderdi elimizdiń ózge de joǵary oqý oryndary ótkizip tursa quba-qup. Jurtshylyqqa málim, Qazaqstanda álemdik deńgeıdegi jobalar kóptep júzege asyrylýda. Astana qalasynda 2017 jyly ótetin «EKSPO-2017» ha­lyqara­lyq kórmesi sonyń bir aıǵaǵy. Bul bizdiń elimizge artylǵan zor senim. Endigi maqsat álemdik dárejedegi kórmeni laıyqty uıymdastyryp, elimizdiń mereıin taǵy bir márte asqaqtatý. Buǵan negiz joq emes. Ekonomıkamyzdyń órkendeýi, ǵylym men bilimniń aıshyqty túrde damýy, nano­tehnologııalar men ınnovatsııalyq jobalardyń iske qosylýy - munyń barlyǵy elimizdiń ár saladaǵy zor áleýetin ańǵartary anyq. Halyqaralyq bedeldi uıymdar eń birinshi kezekte osyndaı jetistikterimizdi tilge tıek etip júr. Saıası sarapshylar bolsyn, ǵalymdar men ekonomıster bolsyn Elbasynyń syndarly saıasatyna búgingi tańda úlken baǵa berýde. Bul oraıda zaman talabyna laıyq bolyp, bolashaqqa nyq qadamdar jasa­ǵan elimizdegi kóptegen mańyzdy shara­lar Elordamyz - Astana qalasynda ótip keledi. Jasam­pazdyqtyń bastaýy, álemdik mańyz­dy ıdeıalardyń toǵysatyn orta­lyǵy da Elordamyzdyń bolyp otyr­ǵany shyn máninde qýanysh. Astanada ótkizilip kele jatqan halyqaralyq konfe­rentsııalar, álemdik jıyndar, alqaly basqosýlardyń barlyǵy da óziniń erekshe mánine ıe bolýda. Bul turǵy­dan alǵanda Astana zamanaýı qala retinde tutas memleketimiz úshin serpin ákelgeni sózsiz.