Men tutynýshylar quqyn qorǵaıtyn memlekettik jańa organ qurýǵa túbegeıli qarsymyn - Tutynýshylardyń ulttyq lıgasynyń basqarma tóraıymy

ALMATY. 15 naýryz. QazAqparat - Qazaqstanda qazir tutynýshylar quqyn qorǵaıtyn 38 memlekettik organ bar. Bul týraly búgin Almatyda «Tutynýshylardyń ulttyq lıgasy» respýblıkalyq qoǵamdyq uıymynyń 20 jylda atqarǵan qyzmeti týraly baspasóz máslıhatynda aıtyldy.

«Tutynshylardy sottyq qorǵaý joǵary deńgeıde bolý úshin zańnama jaqsy bolýy kerek. Bizde 2012 jyly qabyldanǵan «Tutynýshylar quqyn qorǵaý týraly» zańnyń 9-shy babynda orta, arnaýly jáne joǵary oqý oryndarynda mindetti tutynýshylyq bilim berýdi engizý qarastyrylǵan bolatyn. Alaıda bul baǵytta áli kúnge deıin memleket tarapynan eshnárse jasalǵan joq», - deıdi «Tutynýshylardyń ulttyq lıgasy» respýblıkalyq qoǵamdyq uıymynyń basqarma tóraıymy, QR Parlament Májilisiniń depýtaty Svetlana Romanovskaıa.

Onyń aıtýynsha, QR Básekelestikti qorǵaý agenttigi qazir tutynýshylar quqyn qorǵaıtyn taǵy bir jańa memlekettik organ qurýdy usynýda. Oǵan óziniń túbegeıli qarsy ekenin aıtqan depýtat memlekettik organdar árbir sala boıynsha tek zań buzýshylyqtardy anyqtap, kásipkerlerdi jazalaýmen ǵana aınalysýda. Al kásipkerlerdiń tutynýshylardyń quqyn buzbaýyna jol bermeýde budan basqa eshnárse jasap otyrǵan joq.