Men tartysty jekpe-jek kútemin - Sanches

ASTANA. QazAqparat - Qazaqstandyq boksshy Gennadıı Golovkınniń (37-0, 33 KO) bapkeri Abel Sanches aldaǵy meksıkalyq Saýl Alvarespen (49-1-1, 34 KO) ótetin jekpe-jekke qatysty pikirin bildirdi, dep habarlaıdy Sports.kz

«Men tartysty jekpe-jek kútemin, sebebi eki boksshynyń da stıli erekshe.     «Kanelo» judyryq almasýdan qashyp, alys qashyqtyqta aıqasady dep oılamaımyn. Olaı bolǵanda jankúıerleri ony keshirmeıdi.  Bul jekpe-jekti kútip, eki jyl joǵalttyq, endi sol múmkindik týyp otyr.  Muny qol qoıýy bes jylǵa sozylǵan Meıvezer - Pakıao jekpe-jegimen salystyrǵan  oryndy.  Golovkın  jasyna baılanysty kúshi azaıdy dep sanaıtyndar da bar.   Oǵan   Djeıkobspen bolǵan sońǵy aıqasyn dálel kóredi.    Olardy  16 qyrkúıekte   keremet tosynsyı kútip tur!  Iá, «Kanelo»  boksta sheber qımyldaıdy. Biraq men aýyz ashyp, kóz jumatyndaı   nokaýtshyny kórip turǵanym joq, - dedi Sanches   ESPN Deportes-ke bergen suhbatynda.

Aıta keteıik, Golovkın - Alvares  jekpe-jegi  16 qyrkúıekte   Las-Vegasta «T-Mobile Arena-da» ótedi. 1XBET  býkmekerlik keńsesi  mynadaı koeffıtsıentter usynady:   Golovkınniń jeńisi - 1.68,  Alvarestiń jeńisi  - 2.65, teń oıyn  - 23.