Men sııaqty qansha adam bar: Áldebireýler tegin aqparatty TikTok-ta aqshaǵa satyp júr

<p>Ulttyq statıstıka bıýrosy saıttaǵy barshaǵa qoljetimdi málimetterdi áldebireýler TikTok arqyly satyp jatqanyn málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Ulttyq statıstıka bıýrosy stat.gov.kz resmı saıtynda erkin qoljetimdi derekterdi saýdalap júrgen TikTok akkaýntardyń qyzmetin paıdalanbaýdy suraıdy.

Áleýmettik jelide tikeleı efır barysynda aqsha úshin «Men sııaqty qansha adam bar?» servısindegi derekterdi habarlaý tanymal boldy. 

Efırdi uıymdastyrýshy bank aýdarymy úshin telefon derekterin kórsetedi, nıet bildirgender tólem jasaǵan kezde Qazaqstan boıynsha qansha attasy bar ekenin bilý úshin esimin jazady.

«Mundaı qyzmetpen aınalysatyndar óz áreketteri úshin jaýapqa tartylýy múmkin ekenin eskertemiz» deıdi ulttyq statbıýrodan.

Bul málimetti saıttan qalaı bile alasyz? Onyń bári tómendegi vıdeoda egjeı-tegjeıli kórsetilgen.