«Men poıas úshin keldim»: Aıdos Erbosynuly qarsylasymen kóz arbasty

ASTANA. QazAqparat – Qazaqstandyq boksshy Aıdos Erbosynuly (16-0, 11KO) men WBA-diń ekinshi orta salmaqtaǵy «qarapaıym» chempıony – kýbalyq Davıd Morrel (7-0, 6KO) kóz arbasý rásimin ótkizip, jýrnalısterge arnalǵan baspasóz máslıhatyna qatysty, dep habarlaıdy QazAqparat.

«Qarsylastar 6 qarasha kúni tańerteń (Qazaqstan ýaqytymen) Las-Vegasta ótetin jekpe-jek aldynda resmı baspasóz máslıhatynda betpe-bet kezdesti. Aıqas kýbalyq boksshyǵa tıesili WBA Super nusqasy boıynsha «turaqty» álem chempıony tıtýly úshin ótedi», - delingen Kazproboxing Instagram-paraqshasynda.

Aıdos Erbosynuly baspasóz máslıhatynda suraqqa qaza tilinde jaýap berip: «Qazir Qazaqstanda ań aýlaý maýsymy júrip jatyr. Aýylda kishigirim ańshymyn. Qazir Amerıkada júrmin jáne osy senbi ań aýlaýǵa shyǵatyn bolamyn. Jekpe-jekti tamashalańyzdar!», - dedi boksshymyz.

«Men poıas úshin keldim!», - dep jazdy qazaqstandyq sportshy Instagram-daǵy jeke paraqshasynda.

Eske salaıyq, Erbosynuly – Morrel jekpe-jegin qazaqstandyqtar tikeleı efırden kóre alady. Bastalýy – 6 qarasha, tańerteńgi saǵat 08.00.

Kesh barysynda taǵy bir qazaqstandyq – Abylaıhan Júsipov rıngke shyǵady.