Men ózimmen birge jeke kýálikterimdi alyp júrmeımin – Baǵdat Mýsın

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Astana halyqaralyq forýmynyń qonaqtaryna Qazaqstandaǵy tsıfrlandyrý salasyndaǵy jetistikter jaıynda aıtyp berdi, dep habarlaıdy QazAqparat tilshisi.

Mınıstr Qazaqstan azamattary el ishinde ózderimen jeke basyn kýálandyratyn qujattardyń túpnusqasyn, júrgizýshi kýáligin jáne basqa da kýálik túrlerin alyp júrýi mindetti emes ekenin eske saldy.

«Eshbir áleýmettik qujattardy alyp júrýdiń qajeti joq. Munyń bári zańdy, tsıfrlyq qujattardyń quqyqtyq mártebesi bekitilgen. Máselen, óz basym Qazaqstan aýmaǵynda júrgende qaltama ámııan salmaımyn. Tek uıaly telefondy ǵana paıdalanamyn. Kez kelgen Qazaqstan azamatynan surańyz, olardyń kóbisi qaǵaz qujattyń túpnusqasyn nemese bank kartasyn jáne basqa da kýálikti ózimin birge alyp júrmeıdi», - dedi B.Mýsın forým aıasynda ótken sessııa barysynda.

Budan buryn habarlanǵandaı, búgingi forýmda Ulttyq ekonomıka mınıstri Álibek Qýantyrov perspektıvasy tómen aýyldardyń turǵyndaryn damý múmkindigi joǵary eldi mekenderge kóshirý múmkindigine qatysty pikir bildirdi.

Senat Tóraǵasy Máýlen Áshimbaev Astana halyqaralyq forýmy alańynda sóz sóılep, álemdik tártiptiń paradıgmasy ózgergen kezeńdegi «orta» memleketterdiń róli jóninde baıandama jasady.