Olımpıada júldesin almaı, sportpen qoshtaspaımyn — Ábıba Ábýjaqynova

<p>PARIJ. KAZINFORM &ndash; Parıjde ótip jatqan Olımpıada oıyndarynyń alǵashqy kúni dzıýdodan áıelder arasynda 48 kelige deıingi salmaqta tatamıge shyqqan Ábıba Ábýjaqynova júldege qol jetkize almaǵan bolatyn.</p>

Jarystan shyqqan bette otandyq tilshilerge el úmitin aqtaı almaǵyny úshin keshirip surap, aǵyl-tegil kóz jasyna erik bergen edi. Búgin Ábýjaqynovanyń jeke bapkeri Nurbol Súleımenov alǵash ret shákirtiniń qazirgi kóńil-kúıi qalaı ekenin aıtyp berdi.

«Jeńilip qalǵannan keıin bir kúnge deıin eshkimmen sóılesken joq. Jylaı berdi. Men de eshteńe aıtpadym, sóılespedim. Ondaı kezde birdeme aıtýdyń ózi artyq. Ertesi ǵana ashýy baslyp, óz-ózine kelgennen keıin ǵana sóılestim. Qazir kóńil-kúıi durystalyp qaldy», - dedi bas bapker.

Sonymen qatar Ábıba Ábýjaqynovanyń osyǵan deıingi eshkimge aıtpaǵan qupııa josparynda aıtyp qaldy.

«Ábıbanyń óziniń osyǵan deıin eshkimge aıtpaı kele jatqan jospary bolǵan. "Eger osy Parıjde júldege qol jetkizip, chempıon bolsam, sporttyq mansabymdy aıaqtaımyn" degen. Ókinishke qaraı, ol jospary oryndalmady. Endi búgin sóılessem, «aǵa, men bári bir, Olımpıada júldesin almaı sportpen qoshtaspaımyn» dedi. Negizi Ábıba óte namysshyl qyz. Qaısar qyz», - dedi onyń jeke bapkeri Nurbol Súleımenov.

Esterińizde bolsa Ábıba Ábýjaqynova Olımpıada oıyndaryn 5-orynmen aıaqtaǵan bolatyn.