«Men kórgen soǵys» kitabynyń jelisimen túsirilgen fılmniń tusaýy kesiledi

ASTANA. 7 mamyr. QazAqparat -  Erteń, seısenbi 8 mamyr kúni  QR Parlamenti Májilisiniń depýtaty, aýǵan soǵysynyń  ardageri Baqytbek Smaǵuldyń «Men kórgen soǵys» atty kitabynyń jelisimen túsirilgen fılmniń tusaýkeseri ótedi.

Bul týraly Májilistiń baspasóz qyzmetinen habarlandy.

Fılmdi «Qazaqfılm» kınostýdııasynyń rejısseri Tilegen Ahmetov túsirgen. Qoıylym Astana qalasy, «Kerýen» saýda oıyn-saýyq ortalyǵynda  «Kınoparktiń» 7 zalynda ótedi.

Esterińizge sala keteıik, aýǵan soǵysynyń ardageri Baqytbek Smaǵul «Aýǵannyń ot-jalyny», «Men kórgen soǵys», «Voına, kotorýıý vıdel ıa», «Qan keshken kúnder», Halyq Qaharmany Baqytjan Ertaev týraly «Namystyń quly - Alashtyń uly», «Qaharman» atty jastarymyzdy otansúıgishtikke tárbıelep, erlikke baýlıtyn birqatar patrıottyq kitaptardyń avtory.