«Men qazaqpyn!» dep keýde urǵandardyń qaısysy janymen qazaq, júregimen qazaq

<p>ASTANA. KAZINFORM &ndash; &laquo;Oraza qabyl bolsyn!&raquo;: Tikeleı efır aǵartýshylyq taqyrybyna arnaldy. Dintanýshy Nurlan Baıjigituly rýhanı kemeldikke toqtaldy. Hákim Abaıdyń hıkmetin túsindirdi.</p>

«Oıshyldyń taǵlymynda qazaqtyń rýhy men jany bar, ımanı júregi soǵady. Tipti, keselin de shymshyp kórsetedi. Desem de, kúni búginge deıin qazaqtyń naǵyz keıpin Abaıdan artyq eshkim tanı almady. Eger, ózimizdiń qandaı ekenimizdi bilgińiz kelse, Abaıdy túgel oqyp shyǵyńyzdar. Búgingi ómirdiń biraz suraǵyna oıshyl babamyz osydan bir jarym ǵasyr buryn qara sózderi, óleńderi, aýdarma mysaldarymen jaýap berip qoıǵan»,- deıdi. 

Óz sózinde Abaıdyń kózboıaý dinshil nemese dindar bolmaǵanyn, shynaıy musylman bolǵanyn túsindiredi. Sondaı-aq tarıhtan belgili alash zııalylarynyń dástúrge kózqarasy, ata dinimiz týraly paıymy qandaı boldy? Dintanýshy keńirek toqtaldy.