Men GGG-dy jeńgen sııaqty sezinemin - Denıel Djeıkobs

ASTANA. QazAqparat - Amerıkalyq boksshy Denıel Djeıkobs (33-2, 29 KO) polıak Matseı Sýletskıge (26-0, 10 KO) qarsy jekpe-jekke daıyndalyp jatyr, alaıda ol Gennadıı Golovkınmen (37-0-1, 33 KO) yqtımal revanshtyń oıynda júrgenin aıtty, dep habarlaıdy Sports.kz.

«Bul maǵan motıvatsııa  beredi. Men birinshi aıqasta GGG-dy jeńgen sııaqty sezinemin jáne meniń josparymda revanshtyń bolǵany barshaǵa málim - bul jerde jasyratyn eshteńe joq!», - dep jazdy  týıtterde onyń Matchroom Boxing promoýterlik kompanııasy Djeıkobstyń sózin keltirip.

Djeıkobs - Sýletskı jekpe-jegi 28 sáýirde Brýklınde ótedi (Nıý-Iork, AQSh).

Eske salaıyq, Golovkın men Djeıkobs 2017 jyldyń 18 naýryzynda Nıý-Iorkte aıqas ótkizgen edi. Ol tóreshilerdiń biraýyzdan sheshimimen qazaqstandyq boksshynyń jeńisimen aıaqtalǵan.