Meni fınalda kútińizder – Nazym Qyzaıbaı

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda bokstan áıelder arasynda jartylaı fınalǵa shyqqan Nazym Qyzaıbaı jekpe-jekten keıingi áserimen bólisti.&nbsp;</p>

«Jekpe-jekti ózderińiz kórdińizder, búgin barymdy salyp judyryqtastym. Mundaı jaýapty sátte judyryqpen birge basty da istete bilý kerek. Osyǵan deıin bir ret ese jibergenim bar-tuǵyn. Mine, Parıj tórinde sol esemdi qaıtardym», - dedi boksshy Nazym Qyzaıbaı.

Sonymen qatar aldaǵy jartylaı fınaldyq aıqasta da el senimin aqtaýǵa kúsh salatynyn atap ótti.

«Alda taǵy da mańyzdy, jaýapty kezdesýler tur. Qarsylasym da belgili boldy. Endi sol aıqasqa daıyndalamyn. Meni fınalda kútińizder», - dedi boksshy.

Esterińizge sala keteıik, Nazym Qyzaıbaı birinshi jekpe-jeginde Italııa boksshysy Djordana Sorrentınony jarys jolynan taıdyrsa, ekinshi aıqasynda brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn.

Parıj Olımpıadasyna Nazym Qyzaıbaıdan bólek taǵy eki boksshy Karına Ibragımova men Valentına Halzova da lıtsenzııa jeńip alǵan bolatyn. Ókinishke qaraı ekeýi alǵashqy jekpe-jekterinde qarsylastarynan jeńilip, jarysty erte aıaqtady.