Men boksshymyn, men sportshymyn, jumysymdy jalǵastyra beremin - Golovkın

LAS-VEGAS. QazAqparat - WBC/WBA/IBO tujyrymdary boıynsha orta salmaqtaǵy burynǵy álem chempıony Gennadıı Golovkın kásibı mansabyndaǵy alǵashqy jeńilisine qatysty pikir bildirdi, dep habarlaıdy QazAqparat Sports.kz-ke silteme jasap.

GGG tóreshilerdiń sheshimimen meksıkalyq Saýl «Kanelo» Alvareske ese jiberdi.

«Búgin kóp nárse aıtýǵa bolady. Eń aldymen, «Kanelony» quttyqtaǵym keledi, sebebi búgin ol úıine chempıon bolyp qaıtty. Búgin ekeýmiz úshin de jaqsy aıqas boldy. Biz jaqsy jumys istedik. Men ózimdi chempıonmyn dep esepteımin, ol da chempıon sııaqty aıqasty. Búgin eki chempıonnyń jekpe-jegi boldy.

Men ózimdi óte jaqsy sezindim. Biz jaqsy jumys istedik. Djebpen baqylaý jasadyq, aıqasty bastan-aıaq baqylaýda ustadyq. Men boksshymyn, men sportshymyn, men óz jumysymdy ári qaraı jalǵastyra bermekpin.

Árıne, biz úshinshi aıqas ótkizgimiz kelip edi, bul týraly áli sóılesemiz. Taǵy aıqas ótkizsek, keremet bolýshy edi", - dedi Golovkın.