«Men almatylyqpyn» qoǵamdyq birlestigi Prezıdent Joldaýyn qoldaıdy

ALMATY. QazAqparat –«Men almatylyqpyn» qoǵamdyq birlestiginiń ókili Konstantın Avershın Memleket basshysy Qasym –Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda aıtylǵan bastamalar týraly pikirimen bólisti, dep habarlaıdy QazAqparat tilshisi.

«Biz Joldaýdy tyńdadyq. Bul óte tereń, maǵynaly ekeni seziledi. Mundaı naqty sharalardy iske asyrýda naqty qadamdar bolatyny kórinip tur. Men ózim úshin arnaıy túrtip alǵan tustary bar. Eki jyl buryn biz qala turǵyndary bıýdjet qarjysynyń qaıda jumsalatynyn bilýi tıis degen máseleni kóterdik. Men bul máseleni ózim kóterdim, keıbir áriptester meni qoldady. Qazir bul tarmaq engizildi men óte qýanyshtymyn», – dedi Konstantın Avershın.

Sondaı-aq, ol kásipker retinde shaǵyn jáne orta bızneske qatysty bastamalardy qoldaıtynyn jetkizdi.

«Máselen, shaǵyn jáne orta bıznesti qoldaý týraly aıtyldy. Іs júzinde Almaty – shaǵyn jáne orta bıznes qalasy. Biz bul týraly bárin bilemiz. Bizde resýrstar joq, sondyqtan bıznesti naqty qoldaý kerek. Jabaıy tekserýlerdi toqtatý kerek. Men Almaty qalasynyń sport lıgasyn basqaramyn. Biz árqashan buqaralyq sportty qoldap, qol jetimdi úıirmelerdi balalar úshin jasaýǵa tyrystyq. Bul durys másele, karantın kezinde adamdardyń ımmýnıteti qatty tómendedi. Úıirmeler men sporttyq sektsııalar árkimge qoljetimdi bolý kerek. Bul barlyǵyna qatysty. Biz óz balalarymyzǵa ınvestıtsııa salýymyz kerek»,– dedi ol.