«Memsaraptama» mekemesiniń barlyq satysynda jemqorlyq táýekeli kezdesedi - agenttik

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń Preventsııa departamentiniń basshysy Anar Jarova «Jobalardy memlekettik vedomstvodan tys saraptaý» RMK qyzmetinde kezdesetin jemqorlyq táýekelderin atady, dep habarlaıdy QazAqparat tilshisi.

«Jobalardy memlekettik vedomstvodan tys saraptaý» RMK qyzmetine keler bolsaq, munda jobalardy saraptaýdyń túrli kezeńderin retteıtin ishki aktilerdegi quqyqtyq olqylyqtar barshylyq. Áleýetti táýekelder is júzinde saraptamanyń barlyq satylarynda – qujattamany qabyldaý men shart jasasý kezinde, ony tikeleı júrgizý, sondaı-aq nátıjeni tapsyrý kezinde de kezdesedi. Máselen, qujattamany qabyldaý satysynda saraptama qunynyń esebin jasaýdyń ýaqyt kezeńi reglamenttelmegen. Bul jaýapty tulǵalardyń dıskretsııalyq ókilettigin keńeıtedi», - deıdi Anar Jarova vedomstvoda ótken baspasóz máslıhatynda.

Onyń aıtýynsha, saraptama júrgizý kezeńinde sarapshylar men jobanyń tapsyrys berýshileri arasyndaǵy dáleldi eskertýler men máselelerdi joldaý, óńdeý rásimderi egjeı-tegjeıli rettelmegen.

«Іs júzinde sarapshylardyń suraý salýy tapsyrys berýshige kóbinese jumystan tys ýaqytta, demalys kúnderin qosa alǵanda joldanady. Sonymen qatar, tapsyrys berýshimen jumys isteý jáne jumystan tys ýaqytta, sondaı-aq demalys kúnderi eskertý berý tıisti jobalardy daıyndaý úshin ýaqyttyń shektelýine baılanysty zańǵa qaıshy áreketter úshin jaǵdaı jasaıdy. Budan basqa, kórsetiletin qyzmetti alýshylarmen tikeleı baılanys jeke kezdesýler men telefonmen kelissóz arqyly júzege asyrylady. Bul tıisti normatıvtik aktiler men ishki reglamentterde rettelmegen jáne sybaılas jemqorlyqtyń aıqyn faktory retinde baǵalanady», - dedi ol.

Agenttik ókiliniń aıtýynsha, qoldanystaǵy normatıvtik aktiler men reglamentterde saraptama qorytyndysyn merziminen buryn berý múmkindigi jáne zańnamada kózdelgen saraptama satylaryn qysqartý týraly normanyń bolmaýyn da - sybaılas jemqorlyq táýekeline jatqyzýǵa bolady.