Memorgandardyń birinshi basshylary ekonomıkany ártaraptandyrý jumystaryn kúsheıtýi qajet - Smaıylov

ASTANA. QazAqparat – Kúrdeli geosaıası jaǵdaılarǵa baılanysty túrli faktorlar men damý stsenarıılerine daıyn bolýymyz kerek. Bul týraly búgin Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«6 aıdyń qorytyndysy boıynsha barlyq negizgi makrokórsetkishterdiń ósýi Abaı, Aqmola, Batys Qazaqstan, Qostanaı oblystarynda, Almaty jáne Shymkent qalalarynda tirkelip otyr. Sondaı-aq, ónerkásiptik ónim óndirý kólemi Aqtóbe oblysynda – 8,4, Qaraǵandy oblysynda – 7, Qyzylorda oblysynda – 1,7, Batys Qazaqstan oblysynda 1 paıyzǵa jýyq tómendep ketken. Al, Soltústik Qazaqstan jáne Ulytaý oblystarynda negizgi kapıtalǵa salynǵan ınvestıtsııalardyń tómendeýi baıqalyp otyr», - dedi Úkimet basshysy.

Osy rette Premer-Mınıstr atalǵan óńirler jyl aıaǵyna deıin jaǵdaıdy túzetýi tıis ekendigin basa aıtty.

«Jalpy biz osy jyldyń sońyna deıin ekonomıkanyń eń kemi 5 paıyzǵa ósýin qamtamasyz etýimiz qajet. Ekonomıkanyń ornyqty ósýi halyqtyń turmys sapasyn odan ári jaqsartýǵa oń yqpal etedi. Sondyqtan, biz kúrdeli geosaıası jaǵdaılarǵa baılanysty túrli faktorlar men damý stsenarıılerine daıyn bolýymyz kerek. Memlekettik organdardyń birinshi basshylary ekonomıkany ártaraptandyrý jáne turaqty jumys oryndaryn qurý boıynsha jumysty kúsheıtýi qajet», - dedi Álıhan Smaıylov.

Osyǵan deıin Úkimettiń Kaspıı sý tushytý zaýytyn keńeıtýge qosymsha 5,6 mlrd teńge bólgenin habarladyq.