Memorgandardyń basshylaryna «Ashyq dıalog» portalynan saýal joldaý qyzmeti jabyldy

ASTANA. QazAqparat – «Ashyq dıalog» portaly arqyly memlekettik organdardyń birinshi basshylaryna saýal joldaý qyzmeti jabyldy. Bul týraly elektrondy úkimet portalynyń áleýmettik jelilerdegi paraqshasynda jarııalandy, dep habarlaıdy QazAqparat tilshisi.

«Ashyq dıalog» portalynda blog-platforma servısi arqyly ortalyq memlekettik organdar men jergilikti atqarýshy organdardyń basshylaryna suraý salý qyzmeti jabylǵanyn habarlaımyz. Endi siz «E-otinish» arqyly memlekettik organdardyń birinshi basshylaryna júgine alasyz», - delingen Instagram jelisindegi Egov.kz paraqshasynda jarııalanǵan habarlamada.

Málim bolǵandaı, atalǵan ózgeris «Aqparatqa qol jetkizý týraly» zań aıasynda engizilgen.

Elektrondy úkimet portalynyń dereginshe, «E-otinish» júıesi arqyly shaǵym nemes ótinish bergen azamat memlekettik organ sheshim qabyldaǵan ýaqytqa deıin óz pikirin bildire alady. Al tıisti quzyrly organnan jaýap alǵan soń, oǵan baǵa berýge bolady.