Memorgandar memleketti tildi keńinen qoldanýy tıis - mınıstrlik

ASTANA. QazAqparat - Memlekettik organdar óz salalary boıynsha atqarylatyn jumystarynda memlekettik tildi keńinen qoldanýy tıis. Bul týraly búgin Úkimettiń selektorlyq rejimdegi otyrysynda Tilderdi qoldaný men damytýdyń 2011-2019 jyldarǵa arnalǵan memlekettik baǵdarlamasyn júzege asyrý barysy jaıynda baıandaǵan QR Mádenıet jáne sport vıtse-mınıstri Aqtoty Raıymqulova aıtty, dep habarlaıdy QazAqparat tilshisi.

«Birinshiden, Tilderdi oqytý ortalyqtary múlde joq nemese óte az óńirlerde ákimdikter janyndaǵy memlekettik oqytý ortalyqtaryn ashý jáne sanyn arttyrý qajet. Ekinshiden, memlekettik organdar óz salalary boıynsha atqarylatyn jumystarynda memlekettik tildi keńinen qoldanýy tıis», - dedi ol.

Úshinshiden, vıtse-mınıstr Qazaqstan Respýblıkasyndaǵy memlekettik josparlaý júıesine jáne «Qazaqstan Respýblıkasyndaǵy til týraly» Zańnyń 23-babyna sáıkes, 2019 jyldyń sońyna deıin múddeli ortalyq jáne jergilikti atqarýshy organdarmen birlese otyryp, Tilderdi qoldaný men damytýdyń 2020-2024 jyldarǵa arnalǵan memlekettik baǵdarlamasyn ázirleý týraly usynysty qoldaýdy surady.

Buǵan deıin Aqtoty Raıymqulova memlekettik tildegi qujat aınalymy 93 paıyzǵa jetkenin málim etti.