Memorgandar barlyq aqparatty ashyq bólisip otyr – Erlan Qarın
«Bılik alǵashqy kúnnen-aq qarqyndy, ashyq aqparattyq saıasat júrgizdi. Ókinishke oraı, eń alǵashqy kúnderi ashyq aqparattyq shabýylmen betpe-bet keldi. Teris habarlardyń, jalǵan aqparattardyń úlken legi jalǵasyp jatyr. Memlekettik organdarǵa, quqyq qorǵaý organdaryna ahýaldy turaqtandyrý is-sharalaryn qabyldaýdan bólek aqparattyq shabýylǵada alańdap, olarǵa toıtarys berýgetýra keldi. Ókinishke oraı, olar uıymdsqan túrde jan-jaqtan júzege asyrylyp jatyr teris aqparattyq shabýyldyń ishki de, syrtqy da kózderi bar. Sondyqtan alýan túrli kúsh-jigerdi qoldanýǵa týra keldi. Menińshe, biz ahýaldy shyn máninde jeńe aldyq»», - dedi Memlekettik hatshy «Habar 24» telearnasyna bergen suhbatynda.
Onyń atap ótýinshe, memlekettik organdar buqaralyq aqparat quraldaryna tikeleı shyǵý ádisine kóship, barlyq aqparatty ashyq bólisip otyr.
«Máselen, ótken aptada Bas prokýratýra tótenshe jaǵdaı áreket etken ýaqytta jáne ózge de oqıǵalar kezinde ustalǵan adamdardyń sany týraly aqparat taratty. Bul atalǵan másele tóńiregindegi ahýaldy birden ashyp berdi. Esterińizde bolsa, tipti amerıkalyq jańalyq arnalary, onyń ishinde CNN Qazaqstanda 10 myńdaı adamnyń ustalǵany týraly habar jarııalady. Biraq, Bas prokýratýra barlyq mán-jaıdy usynyp, aqparat taratty. Onda ákimshilik quqyq buzǵany úshin jalpy shamamen 2 myń adamnyń ustalǵany kórsetilgen. Osydan keıin birden Prezıdenttiń árbir istiń mán-jaıyn anyqtap, aýyrlatatyn sátter bolmaǵan jaǵdaıda jazany jeńildetý is-sharalaryn qabyldaý tapsyrmasy shyqty. Búginde Bas prokýratýra 1 400 tulǵaǵa qatysty jazany jeńildetý týraly ótinish berip, qazirdiń ózinde 400 adam bosatyldy», - dedi Erlan Qarın.
Sonymen qatar ol josparly jumystyń júrgizilip jatqanyn basa aıtty.
«Esterińizde bolsa, Bas prokýratýranyń Densaýlyq saqtaý mınıstrliginiń ókilimen birge qaza tapqan azamattardyń sanyna qatysty birlesken brıfıngi boldy. Bul da atalǵan taqyryptaǵy túrli saýaldardy joıdy. Іshki ister mınıstrligi oqıǵalardyń jalpy tizbegin usyndy. Bul da azamattarǵa sol kúnderdegi oqıǵalarǵa qatysty jalpy mán-jaıdy uǵyný úshin múmkindik berdi. Árbir baǵytta nátıjeler bar», - dedi Erlan Qarın.