AQTAÝ. KAZINFORM — Oqıǵa Mańǵystaý aýdany aýmaǵynda bolǵan. Shetpe-Jarmysh avtojolynda eldi mekennen 15 shaqyrym jerde, jolaýshylary bar jeńil avtokólik qar qursaýynda turyp qalǵan.
Oblystyq Tótenshe jaǵdaılar departamentiniń habarlaýynsha, jolaýshylar qutqarýshylardyń kómegine muqtaj bolǵan.
- Oqıǵa ornyna tótenshe daǵdaılar qyzmetkerleri dereý jetti. Kólikte bir eresek jáne úsh bala bolǵany anyqtaldy. Qutqarýshylar áıel men balalardy órt sóndirý bólimine evakýatsııalap, olarǵa qajetti kómek kórsetildi, - delingen habarlamada.
Buǵan deıin Abaı oblysynda jedel járdem kóligi naýqaspen birge qar qursaýynda qalyp qoıǵanyn jazǵan edik.
Qaraǵandy oblysynda qutqarýshylar qar qursaýynda qalǵan 12 adamdy qutqardy.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.