Memlekettik tizilim tizimine qandaı otandyq ónimder kirýi múmkin

<p>Ádilet mınıstrligi &laquo;Almaty aportynyń&raquo; quqyǵyn shetelde &nbsp;zańmen qorǵaıdy. Bul týraly Ádilet mınıstrliginiń resmı ókili Talǵat Ýálı aıtty, dep habarlaıdy <a href="Kazinform" target="_blank" rel="noopener">Kazinform.</a></p>

«13 qazan kúni «Almaty aporty» memlekettik tizilim tiziminde qazaqstandyq brend retinde tirkeldi. Buǵan deıin qazaqstandyq alma ósirýshiler qaýymdastyǵy Ulttyq zııatkerlik menshik ınstıtýtyna Almaty aportynyń geografııalyq kórsetkishi, ıaǵnı shyǵý tegi Qazaqstan ekenin rastaý týraly ótinish joldaǵan bolatyn. Birlesken aýqymdy jumystardyń nátıjesinde bul jumystar aıaqtaldy. Endi almatylyq aport sheteldik saýda oryndarynda satylatyn bolsa, geografııalyq kórsetkishi Qazaqstan dep kórsetiledi.

Ózderińiz biletindeı, Frantsııa sharaby men parmezan syrymen, al Reseı Altaı balymen tanymal. Endi Qazaqstandy Almaty aportymen tanymal etý jolynda jumystar júrgizilip jatyr», - dedi mınıstrlik ókili aptalyq brıfıng barysynda. 

Onyń atap ótýinshe, endi álemdik saýda naryǵynda Almaty aportynyń shyǵý tegi Qazaqstan ekenin moıyndatý úshin otandyq óndirýshiler qaı elderde saýda jasaýǵa nıetti ekendikterin bildirip, tizim joldaýy kerek. Sáıkesinshe sol elderde Ádilet mınıstrligi tarapynan «Almaty aportynyń» quqyǵy zańmen qorǵalatyn bolady. 

«Budan bólek geografııalyq kórsetkish retinde memlekettik reestrge «TURKISTAN» shokolady, «TURKISTAN» balmuzdaǵy jáne Qaraǵandy balmuzdaǵy da endi. Qazirgi ýaqytta Ádilet mınıstrligi óńirlerde shyǵatyn ónimderdi atalǵan tizilimge engizý jumystaryn júrgizip jatyr. Áli de «geografııalyq kórsetkish» retinde tirkelýge múmkindigi bar taýar bar. Olardyń qatarynda Qyzylorda kúrishi, ámire qaýyny, Túrkistan qaýyny, qurt, kondıterlik eti, Jańarqanyń soǵymy, Qoǵalynyń kartoby sııaqty túrli taýardy ataýǵa bolady. Negizinen geografııalyq kórsetkish aýyl sharýashylyǵy, azyq-túlik, óndiristik taýarlar men qolóner týyndylaryna qatysty qoldanylady. Geografııalyq kórsetkishtiń ulttyq brendti nasıhattaý jáne ony shet elderde tanystyrý kezinde mańyzdylyǵy zor», - dedi Talǵat Ýálı.