Memlekettik týdy Prezıdentimiz senip tapsyrdy, endi úmitti aqtaý bizdiń mindet – Aslanbek Shymbergenov

<p>ASTANA. KAZINFORM &ndash; Osydan birer kún buryn Prezıdent HHHІІІ jazǵy Olımpıada oıyndaryna qatysatyn Qazaqstan qurama komandasynyń múshelerimen kezdesip, Parıj Olımpıadasynyń resmı ashylý saltanatynda kók baıraǵymyzdy kóterip shyǵatyn boksshy Aslanbek Shymbergenov pen jeńil atlet Olga Safronovaǵa kók baıraǵymyzdy tabystaǵan edi.</p>

Búgin boksshy Aslanbek Shymbergenov kaz.inform.kz tilshisine eksklıýzıv suhbat berip, Memleket basshysynan týdy qabyldap alǵan sátindegi áserimen bólisti.

«Memleket basshysy Qasym-Jomart Toqaev óz qolymen kókbaıraǵymyzdy tabystaǵanda qatty tolqyp turdym. Bul – men úshin tarıhı sát! Memleket basshysy osylaı bizge senim artty. Endi ol senimdi aqtaý bizge úlken jaýapkershilik jukteıdi. Sol úshin biz Olımpıada oıyndarynda bar kúshimizdi salýymyz kerek», - dep bastady áńgimesin boksshy Aslanbek Shymbergenov.

Sonymen qatar boksshy óziniń Olımpıada oıyndarynyń saltanatty ashylý rásiminde memlekettik Týymyzdy kóterip shyǵatynyn kimnen, qalaı estigenin aıtyp berdi.

«Maǵan Parıj tórinde elimizdiń kókbaıraǵyn kóterip shyǵatynymdy eń birinshi bolyp, boks federatsııasynyń prezıdenti telefon arqyly aıtty. Estigende, árıne qýandym. Bul úlken obyroıly mindet ekenin túsindim. Endi, basty maqsat – Olımpıada oıyndarynda jaqsy óner kórsetip, jeńis tuǵyrynan kórinýimiz kerek. Qazir bapkerlerimizben birge Olımpıadaǵa sońǵy oqý-jattyǵý jıyndarynda júrmiz. Daıyndyǵym óte jaqsy», - dedi boksshy.

Aıta keteıik, Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.