Memlekettik shekaradaǵy 9 ótkizý beketin jańǵyrtýǵa 15,4 mlrd teńge bólindi
Vedomstvo usynǵan aqparatqa sáıkes, elimizdiń memlekettik shekarasynda 52 ótkizý pýnkti bar. Onyń ishinde:
- EAEO-nyń Qytaı Halyq Respýblıkasymen (5), Ózbekstanmen (8) jáne Túrikmenstanmen (1) syrtqy shekarasyndaǵy 14 ótkizý pýnkti.
- EAEO-nyń ishki shekarasynda, Reseı Federatsııasymen (30) jáne Qyrǵyz Respýblıkasymen (8) 38 ótkizý pýnkti.
Jalpy, EAEO-nyń syrtqy shekarasyndaǵy ótkizý pýnktterin qaıta qurýmen Qarjy mınıstrliginiń Memlekettik kirister komıteti aınalysady.
Mınıstrliktiń atap ótýinshe, tranzıttik áleýettiń ulǵaıýyna baılanysty qoldanystaǵy ótkizý pýnktteri adamdar men kólik aǵynyn jyldam ótkize almaı otyr. Sondyqtan pýnktterde keptelister oryn alyp jatady.
«Bul máseleni sheshý úshin memlekettik shekaranyń barlyq perımetri boıynsha ótkizý pýnktterin qaıta qurý jumystary júrgizilýde. 2024 jyly birinshi kezektegi 9 ótkizý pýnktin rekonstrýktsııalaýǵa shamamen 15,4 mlrd teńge bólindi. Jumystardy oryndaý jáne qunyn aıqyndaý jónindegi jobalaý qujattamasynyń ázirlenip, bekitilýine qaraı respýblıkalyq bıýdjetten qajetti soma qarastyrylatyn bolady», - dedi Kólik mınıstrliginen.