Memlekettik satyp alý júıesine shaǵymdardy qaraýdyń jańa tetigi engiziledi

<p>Búgin Májiliste Qarjy mınıstrligi palata depýtattaryna &laquo;Memlekettik satyp alý týraly&raquo; zań jobasyn tanystyrdy, dep habarlaıdy <a href="Kazinform" target="_blank" rel="noopener">Kazinform</a>.</p>

«Qazir Qazaqstanda memlekettik satyp alýdyń barlyq rásimderi, ıaǵnı josparlaýdan bastap tólemge deıin 100% elektrondy formatta júzege asyrylady. Bıznes-protsesterdi avtomattandyrý arqyly memlekettik satyp alýdyń barynsha ashyqtyǵy qamtamasyz etiledi. Kameraldyq baqylaý engizildi, ol tekserý obektisine barmaı-aq, onlaın-rejımde iske asyrylady», - dedi Qarjy vıtse-mınıstri Dáýren Keńbeıil.

Onyń aıtýynsha, zań jobasy aıasynda satyp alý protsesin retteýdi ońaılatý jáne bıýrokratııadan aryltý maqsatynda shaǵymdardy qaraýdyń jańa tetigin engizý, sondaı-aq baqylaýshy organnyń rólin qaıta qaraý usynylyp otyr.

«Tapsyrys berýshilerdiń joǵary talap belgileý faktilerin boldyrmaý maqsatynda qoldanystaǵy kameraldyq baqylaýdy saqtap qalý josparlanyp otyr. Bul rette, ýákiletti organ jaǵynan satyp alý qorytyndylarynyń kúshin joıý quqyǵyn alyp tastaý usynyldy», - dedi vıtse-mınıstr.

Onyń sózine qaraǵanda, satyp alý rásimderiniń sozylyp ketýin boldyrmaý maqsatynda qorytyndylardy qaıta qaraý jónindegi fýnktsııa satyp alýdy uıymdastyrýshyǵa beriledi. Uıymdastyrýshy bazasynda shaǵymdardy qaraý jónindegi komıssııalar qurylady.