Memlekettik satyp alý týraly jańa zań: jetkizýshilerdi avtomatty túrde tańdaý tetigi qosylady

<p>ATYRAÝ.KAZINFORM &mdash; &laquo;Memlekettik satyp alý týraly&raquo; jańa Zańnyń engizilýimen (2025 jyl 1 qańtar) jetkizýshi týraly aqparat túrli derekqorlardy paıdalana otyryp, qalyptastyrylatyn bolady. Bul satyp alýdyń barlyq túri boıynsha baǵa men sapa krıterıılerin biriktire otyryp, jetkizýshilerdi avtomatty túrde tańdaýǵa kóshýge múmkindik beredi. Bul týraly Atyraý oblysynyń Óńirlik kommýnıkatsııalar qyzmetinde ótken brıfıngte QR Qarjy vıtse-mınıstri Dáýren Keńbeıil aıtyp berdi.</p>

«Memlekettik satyp alý týraly zańda memlekettik kelisimsharttardy bólý kezinde ashyqtyqty, básekelestikti jáne teń quqyqty qamtamasyz etý boıynsha birqatar sharalar qarastyrylǵan. Atap aıtqanda, qujat qoǵamdyq monıtorıngti, ásirese qurylysqa baılanysty jumystardy engizýdi kózdeıdi», — delingen habarlamada.

Búgingi kúni konkýrsty ótkizý merzimi shamamen 2 aıdy quraıdy. Jańa zań keıbir jaǵdaılarda protsedýralardy 2 jumys kúnine deıin qysqartady.

Foto: QR Qarjy mınıstrligi

«Memlekettik satyp alý týraly» jańa Zańǵa sáıkes, áleýetti ónim berýshi onyń basshysy nemese quryltaıshylary, eger olar buryn sybaılas jemqorlyq quqyq buzýshylyq jasaǵan bolsa, memlekettik satyp alýǵa qatysa almaıdy. Zańda múddeles kompanııalardyń satyp alýǵa qatysýyn shekteý jónindegi sharalar, sondaı-aq ónim berýshiniń kelisimsharttyq mindettemelerdi oryndamaǵany jáne tıisinshe saqtamaǵany úshin jaýapkershilik qamtylǵan.