Memlekettik ortalyqtar qumar oıynǵa salynyp ketkenderdi anonımdi negizde tegin emdeıtin bolady

<p>ASTANA. KAZINFORM &ndash; Týrızm jáne sport mınıstrligi Týrızm ındýstrııasy komıteti tóraǵasynyń orynbasary Ádilet Turǵanbaev ortalyq kommýnıkatsııalar qyzmetinde ótken brıfıngide qumar oıynǵa qatty áýes qazaqstandyqtardyń sanyn atady.</p>

«Juma kúni biz psıhologtarmen, basqa da mamandarmen kezdesip, osy máseleni talqylaǵan bolatynbyz. Siz aıtyp otyrǵan 30 myń adam degen sanǵa kelsek, naqtysy – 36 myń. Densaýlyq saqtaý mınıstrligi ony qandaı da bir zertteý nemese saýalnama arqyly shyǵarǵan joq. Bul halyqaralyq tájirıbe boıynsha jasalǵan. Olar bir matematıkalyq model jasap, halyqtyń jalpy sanyna shaǵyp eseptegen. Halyqaralyq tájirıbede jalpy halyqtyń 2-3 paıyzy qumar oıynǵa áýes deıtin esep bar. Sonyń negizinde alsaq, 36 myńdaı adam bizde qumar oıynǵa qatty áýes bolsa kerek. Bul osy san», - dedi mınıstrlik ókili.

Sondaı-aq, ol bolashaqta qumar oıynnan arylǵysy keletinder memlekettik ortalyqtarda jeke basynyń deregin tirketpeı-aq, tegin emdele alatynyn aıtty.

«Juma kúngi dóńgelek ústelde densaýmındegi áriptesterim aıtty. Olar emdelý formatyn ózgertpekshi. Qazir qumar oıynnan memleket esebinen emdelý úshin resmı tirkelip, esepke turý mindetti. Kóbi sodan qashady. Óıtkeni keıin jumysqa turý, áskerge barý qıyndaıdy degendeı. Qazir «keńes alýǵa tirkelý» degen tetik engizbekshi. ıAǵnı, adam jeke basynyń derekterin tirketpeı-aq, esepke turmaı-aq tegin emniń tolyq kólemin alady. Bıyl osy normatıvtik aktini qabyldap úlgerse, keleshekte psıhıkalyq densaýlyq ortalyqtarynda tegin, anonımdi emdele alady. Ondaı ortalyqtar búkil óńirde bar. Astana men Almatyda respýblıkalyq ortalyq jumys istep tur», - dedi Ádilet Turǵanbaev.