Gov.kz platformasyndaǵy saıttar qaıta isteı bastady

<p>&laquo;Ulttyq aqparattyq tehnologııalar&raquo; AQ memlekettik organdardyń ınternet resýrstarynyń biryńǵaı platformasy &ndash; Gov.kz jumysyndaǵy aqaý úshin keshirim surady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Búgin tańerteń barlyq mınıstrlik pen ákimdikterdiń resmı saıttary ashylmaı qalǵan edi.

«Memlekettik organdardyń Gov.kz ınternet-resýrstarynyń biryńǵaı platformasynyń jumysy qalpyna keltirildi. Ýaqytsha qolaısyzdyqtar úshin keshirim suraımyz», - dep jazylǵan «UAT» AQ resmı habarlamasynda.

Ortalyqtyń málimetinshe, atalǵan aqaý sebepteri áli anyqtalyp jatyr.

Aıta keteıik, «Ulttyq aqparattyq tehnologııalar» AQ – «Elektrondy úkimettiń» ınfokommýnıkatsııalyq ınfraqurylymynyń jáne memlekettik organdardyń biryńǵaı kólik júıesiniń operatory, sondaı-aq ortalyq jáne óńirlik memlekettik organdardyń aqparattyq júıelerine júıeli jáne tehnıkalyq qyzmet kórsetýdi qamtamasyz etedi.