Memlekettik organ basshylarynan 22,1 mln teńge óndirildi – Memlekettik qyzmet agenttigi

<p>Memlekettik qyzmet kórsetý salasynda zań buzýshylyqtarǵa jol bergen basshylar jazalandy. Bul týraly QR Memlekettik qyzmet isteri agenttigi tóraǵasynyń orynbasary Salaýat Múksimov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;&nbsp;</a>&nbsp;</p>

«Jyl basynan memlekettik qyzmet kórsetken 577 qyzmetker tártiptik jaýapkershilikke tartyldy. Sonymen qatar 298 memlekettik organdar men uıymdardyń basshylary ákimshilik jaýapqa tartyldy. Nátıjesinde memleket kirisine 22,1 mln teńge óndirildi. Profılaktıka maqsatynda memlekettik organdarǵa kórsetiletin qyzmetti berýshiler tarapynan oryn alatyn júıeli zań buzýshylyqtarǵa jol bermeý jóninde usynymdardy qarastyratyn taldaý joldandy», - dedi Salaýat Múksimov OKQ-de ótken brıfıngide.

Spıkerdiń aıtýynsha, Memleket basshysynyń tapsyrmalaryn oryndaý maqsatynda agenttik bıýrokratııadan aryltý jóninde sharalar qabyldap jatyr.

«Bul baǵytta júrgizilgen monıtorıng pen taldaý nátıjesimen agenttik 373 usynys ázirledi. Ázirlengen usynystar bıznes-protsesterdi reınjınırıngteý, artyq quqyqtyq retteýdi, joǵary talaptardy alyp tastaýǵa, fýnktsııalardy ortalyqsyzdandyrýǵa jáne laýazymdy tulǵalardyń derbes jaýapkershiligin kúsheıtýge baǵyttalǵan», - deıdi ol.