Memlekettik menshiktegi mektepterdi jekege berýge tyıym salynady – Májilis

<p>Oqýshylardyń baǵasy men úı tapsyrmasy túraly aqparatty ata-analarǵa tegin&nbsp; berý týraly naqty mindetter belgilendi. Bul týraly Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly&raquo; zań jobasyn talqylaý kezinde depýtat Ashat Aımaǵambetov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bul qujatta memlekettik menshiktegi mektep pen kolledjderdi jeke menshikke berýge tyıym salatyn norma bar. Bul óte mańyzdy norma. Sáıkesinshe, endi barlyq memlekettik bilim berý mekemeleri jekeshelendirýge jatpaıtyn bolady», - dedi A.Aımaǵambetov.

Kelesi norma jemqorlyq táýekelderin azaıtýǵa, ashyqtyq pen birizdilikti qamtamasyz etýge baǵyttalǵan.

«Zańda balabaqshaǵa balany kezekke qoıýdy, odan oryn berýdi jáne bilim berý qyzmetkerlerin jumysqa alýdy tek biryńǵaı aqparattyq baǵdarlama aıasynda uıymdastyrý boıynsha norma engizildi», - dedi depýtat.

Sonymen qatar ol ata-analardan kóp túsetin shaǵymnyń biri – oqýshylyrdyń baǵasy men úı tapsyrmasyna tegin qol jetkizý máselesine qatysty.

«Bul taqyrypta birneshe depýtattyq saýaldar jarııalanǵan. Osyǵan oraı zań jobasynda oqýshylardyń baǵacy men úı tapsyrmacy túraly aqparatty ata-analarǵa tegin berý týraly naqty mindetter belgilendi», - dedi Ashat Aımaǵambetov.

Budan buryn habarlanǵandaı, «Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly» zańy qabyldandy. 

Qujat aıasynda oqyshýlardyń sabaq kezinde uıaly telefondardy paıdalanýyna shekteý engizildi.